“გახარია წადი” სტენსილის დახატვისთვის დაჯარიმებულმა მარიამ სიჭინავამ ზუგდიდის მუნიციპალიტეტის მერიაში განცხადება შეიტანა. სიჭინავა ამბობს, რომ ზედამხედველობის სამსახურის თანამშრომლებმა ზუსტად ის მუხლი დაარღვიეს, რითაც მას აქვს ბრალი წაყენებული: ” როგორც მე დამაჯარიმა გიორგი გვილავამ, ზუსტად ისე უნდა დაჯარმდნენ მერიის ზედამხედველობის თანამშრომლებიც, რადგან იმათაც დაარღვიეს 150-ე მუხლის მეორე ნაწილი, თუ წარწერის გაკეთება დანაშაულია, მისი გადაღებვა და ნახატის დატოვებაც დანაშაულია”- აღნიშნა მარიამ სიჭინავამ.
შეგახსენებთ, რომ ახალგაზრდების ჯგუფი 2 დღის წინ ზუგდიდში “გახარია წადი” წარწერით სტენსილებს აკრავდა, რა დროსაც მოხდა ერთ-ერთი მონაწილის მარიამ სიჭინავათვის ოქმის გამოწერა. სიჭინავას ადმინიდსტრაციულ სამართალდარღვევათა კოდექსის 150-ე მუხლის მეორე ნაწილს ედავებიან, რაც ქალაქის იერსახის დამახინჯებას გულისხმობს და ითვალისწინებს 500 ლარიან ჯარიმას, გამეორების შემთხვევაში.