ახალგაზრდები, რომლებიც ზუგდიდში „გახარია წადი“ სტენსილებს აკრავდნენ, გუშინ დააჯარიმეს. როგორც სამოქალაქო აქტივისტი მარიამ სიჭინავა ამბობს, უთვალთვალებდნენ მას და მის მეგობრებს: „ზედამხედველობამ პირველად თურმე მე2 სკოლასთან შეგვნიშნა. იმის შემდეგ ბევრ სხვა ადგილზე ვიყავით. არავის გავუფრთხილებივართ, ბოლოს გამგეობასთან მოვიდნენ და იქ დაგვიწერეს ოქმი. 500 ლარიანი ადმინისტრაციული გამომიწერეს.15 წუთში ზუგდიდასუფთავების თანამშრომლებმა, პოლიციის უფროსის მოადგილის და მერიის ზედამხედველობის სამსახურის თანამშრომლების თანხლებით ქალაქის მასშტაბით ყველა წარწერა გააფერადეს.“- უთხრა „ოდიშინიუსს“ მარიამ სიჭინავამ.

მარიამ სიჭინავა დავას სასამართლოში აგრძელებს. მას ადმინისტრაციულ სამართალდარღვევათა კოდექსის 150-ე მუხლის მეორე ნაწილით აქვს ბრალი წაყენებული, რაც ქალაქის იერსახის დამახინჯებას გულისხმობს და ითვალისწინებს 500 ლარიან ჯარიმას, გამეორების შემთხვევაში.