ტელეკომპანია „ოდიშის“ გადაცემა „ლუსტრაციის“ ავტორისა და წამყვანის ლევან თორიას სასამართლო პროცესზე დღეს მოწმეები დაიკითხა. საქმის პროკურორის ილია ტორუას განცხადებით, მოწმეების დაკითხვისა და მტკიცებულებების წარდგენის შემდეგ სასამართლო აუცილებლად გამოიტანს ბრალდებულის მიმართ გამამტყუნებლ განაჩენს.
ლევან თორიას ადვოკატი რევაზ მიქაია აცხადებს, რომ მოწმეები ურთიერთგამომრიცხავ ჩვენებს იძლევიან.ადვოკატ იოსებ ჯანაშიას თქმით, სასამართლომ უნდა გაითვალისწინოს ის ფაქტი, რომ ლევან თორიას შემთხვევაში საქმე თავდაცვასა და მოწინააღმდეგისს მოგერიებას გულისხმობ, რაც ნებისმიერ ადამიანს მსგავს ვითარებაში ჯანმრთელობის დაზიანებისგან იცავს. მოწმეების ურთიერთგამომრიცხავ ჩვენებბზე ამახვილებს ყურადღებას ლევან თორიაც, რასაც პროკურატურისგან ზეწოლად აფასებს. მისი თქმით, პროკურატურამ არ გაითვალისწინა დაცვის მხარის მოთხოვნა, საქმეს დამატებოდა სს კოდექსის 154-ე მუხლი, რაც გულისხმობს ჟურნალისტისთვის პროფესიული საქმიანობის ხელშეშლას.
შეგახსენებთ, რომ 14 მაისს, დადიანების სასახლის ეზოში გადაცემა „ლუსტრაციი“ს ჩაწერისას თავს დაესხნენ გადაცემის წამყვანსა და მის სტუმრებს.
საქმე აღძრულია ძალადობის მუხლით, თავდამსხმელთაგან რამდენიმე პირი მიცემულია პასუხისგებაში, ერთ-ერთ მათგანს გელა კვარაცხელიას, რომელიც განსაკუთრებული აგრესიით გამოირჩეოდა, 126-ე ძალადობის მუხლით აქვს ბრალი წარდგენილი. სასამართლომ მას 2 თვიანი წინასწარი პატიმრობა მიუსაჯა. ამავე დროს პროკურატურამ ის დაზარალებულად ცნო.
ხოლო გადაცემის წამყვანს ლევან თორიას 17 მაისს 3000 ლარიანი გირაო შეეფარდა, რომელსაც ასევე ბრალი 126-ე ძალადობის მუხლით წარედგინა.