“დღეს უფრო მეტი საფრთხე გვემუქრება საქართველოდან, ვიდრე სააკაშვილის დროს”- გალის დე-ფაქტო ხელმძღვანელი

0
696

“რია-ნოვოსტის” ინფორმაციით, გალის დე-ფაქტო ხელმძღვანელი თემურ ნადარაია მიიჩნევს, რომ აფხაზეთს დღეს საქართველოდან უფრო მეტი საფრთხე ემუქრება, ვიდრე მიხეილ სააკაშვილის დროს.

„საქართველოს მთავრობა ბოლო დროს უხეშ ძალას არ იყენებს, მაგრამ აქტიურ ბრძოლას აწარმოებს საინფორმაციო სივრცეში, ადამიანების გონებაზე ზემოქმედებას ცდილობს, თუნდ აბიტურიენტების მისამხრობად. გამოდის, რომ დღეს საქართველოს ხელისუფლების პოლიტიკა უფრო მოქნილია. მაგრამ რეალურად საფრთხეები, რომელიც საქართველოსგან მომდინარეობს, არანაკლებია, ვიდრე სააკაშვილის დროს“, – განაცხადა ნადარაიამ.

ამას გარდა, თემურ ნადარაიამ განაცხადა, რომ ივნისში, თბილისში მომხდარი ცნობილი მოვლენების შემდეგ, „აფხაზეთმა საქართველოსთან საზღვარი ორი დღით მთლიანად ჩაკეტა, შემდეგ კი გახსნა ქალების, ბავშვებისა და მოხუცებისთვის“.

„აკრძალვა ძალაში რჩება მხოლოდ მამაკაცებისთვის, 18-დან 60 წლამდე, რომ მათ ნაკლებად მიიღონ მონაწილეობა ანტიაფხაზურ და ანტირუსულ მიტინგებში, საქართველოში გამართულ აქციებში“, – დასძინა გალის რაიონის დე ფაქტო ხელმძღვანელმა.

წინა სტატია„ანაკლიის კონსორციუმის“ სამეთვალყურეო საბჭოს თავმჯდომარის მოვალეობას საქართველოში აშშ-ს სავაჭრო პალატის პრეზიდენტი მაიკლ ქაუგილი შეასრულებს
შემდეგი სტატია
ტელეკომპანია ოდიშის საინფორმაციო სამსახური