კურორტ საირმის ტერიტორიაზე უბედური შემთხვევის მსხვერპლი ზუგდიდელი ახალგაზრდა ქალი მედეა კვირკველია გახდა.
არსებული ინფორმაციით, ერთ-ერთ სასტუმროში დასასვენებლად მყოფი ოჯახი მცირეწლოვანი ბავშვებით, მიმდებარე ტერიტორიაზე ტყეში სეირნობდა, ახალგაზრდა ქალი შემაღლებულ ბორცვზე ფოტოს გადასაღებად ავიდა და დაახლოებით 10 მეტრის სიმაღლიდან ხრამში გადავარდა, რის შედეგად გარდაიცვალა.
შინაგან საქმეთა სამინისტროს ინფორმაციით, გამოძიება სსკ-ის 115-ე მუხლით დაიწყო.