უბედური შემთხვევა მოხდა ლაგოდეხის ნაკრძალში. გერმანელი ტურისტი ჩანჩქერიდან გადავარდა და ადგილზე დაიღუპა. შემთხვევა იმ ადგილთან ახლოს მოხდა, სადაც მიმდინარე წლის 26-ს მაისს სკოლის ექსკურსიის დროს მოზარდი გარდაიცვალა.
მომხდარზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
გერმანელი ტურისტი მეუღლესთან ერთად ლაგოდეხში რამდენიმე დღის წინ ჩავიდა. ოჯახი ერთ-ერთ სასტუმროში ცხოვრობდა.