სამეგრელო-ზემო სვანეთის სახელმწიფო რწმუნებულს ახალი პირველი მაოდგილე ჰყავს, ამ თანამდებობაზე დავით ფარცვანია სამეგრელო-ზემო სვანეთის გუბერნატორმა ალექსანდრე მოწერელიამ ჟურნალისტებს დღეს წარუდგინა. ფარცვანიამ ამ თანამდებობაზე ირაკლი ჯიქია შეცვალა. ჯიქიასთან ერთად თანამდებობა კიდევ ერთმა მოადგილე კობა ქანთარიამ დატოვა. დავით ფარცვანია საქართველოს შინაგან საქმეთა სამინისტროს კადრია, ის სამშენებლო სამმართველოს უფროსი იყო, მანამდე მუშაობდა სოფლის მეურნეობის სამინისტროს სოფლის მეურნეობის პროექტების მართვის სააგენტოში, ასევე სხავდასხვა კერძო და საჯარო დაწესებულებებში. რწმუნებულის მოადგილედ მისი წინამორბედი ირაკლი ჯიქია თანამდებობაზე 2018 წლის აგვისტოდან, კობა ქანთარია კი 2014 წლიდან მუშაობდა.
ჟურნალისტების კითხვაზე, რატომ მოხდა ერთდროულად ორი მოადგილის მიერ თანამდებობების დატოვება და იყო თუ არა ზეწოლა მათზე, გუბერნატორმა განაცხადა, რომ ორივე მათგანმა თანამდებობა საკუთარი განცხადების საფუზველზე დატოვა.
რაც შეეხება კობა ქანთარიას თანამდებობას, ის ამ ეტაპზე ვაკანტურია. ალექსანდრე მოწერელიას თქმით, კადრების დანიშვნა წამყვან თანამდებობებზე პროფესიონალიზმის გათვალისწინებით ხდება. გუბერნატორმა არ დააკონკრეტა თუ ვინ შეცვლის კობა ქანთარიას და როდის მოხდება მისი წარდგენა.