ჩიქობავას ქუჩაზე, საკანალიზაციო არხიდან მეორე მუშა რამდენიმე წუთის წინ ამოიყვანეს. როგორც ცნობილი გახდა, ცენტრალური საკანალიზაციო არხის ამოღების პროცესის დროს მიწა ჩამოიშალა, ნაშალმა კი ორი მუშა მოიყოლა. თვითმხილველების თქმით, ერთ-ერთი მათგანი სამაშველო სამსახურის მოსვლამდე ამოიყვანეს, ხოლო მეორე კი რამდენიმე წუთის წინ სამაშველო სამსახურის ბრიგადამ ამოიყვანა, ორივე მათგანი ზუგდიდის რეფერალურ ჰოსპიტალშია გადაყვანილი.
ჩიქობავას ქუჩაზე სამუშაოები თვეზე მეტია მიმდინარეობს. სამუშაოებს ტენდერში გამარჯვებული კომპანია “ფაიფერი” ასრულებს.