2019 წლის აბიტურიენტთა ზოგადი უნარების გამოცდაში ზღვარი გადალახულად ითვლება, თუ აბიტურიენტმა მიიღო:
I ვარიანტში – 22 ქულა და მეტი;
II ვარიანტში – 24 ქულა და მეტი;
III ვარიანტში – 22 ქულა და მეტი;
IV ვარიანტში – 24 ქულა და მეტი.
რაც იმას ნიშნავს, რომ რთულ ვარიანტებად 1 და მე-3 ვარიანტი გამოცხადდა და შესაბამისად ბარიერმა დაიწია.
შეფასებისა და გამოცდების ეროვნული ცენტრი განმარტავს, რომ გამოცდა ზოგიერთ საგანში რამდენიმე სესიად მიმდინარეობს, რაც განაპირობებს საგამოცდო ტესტების სხვადასხვა ვარიანტის გამოყენების აუცილებლობას. შესაძლოა, კონკრეტული საგნის ტესტის სხვადასხვა ვარიანტი სირთულის თვალსაზრისით მცირედით განსხვავდებოდეს ერთმანეთისაგან, ამიტომ აბიტურიენტებისათვის თანაბარი საკონკურსო პირობების შესაქმნელად გამოიყენება ქულების გათანაბრება.
გამოცდების ეროვნული ცენტრის ცნობით, აბიტურიენტთა გამოვლენა, რომელთაც კონკურსში მონაწილეობის უფლება მოიპოვეს, სხვადასხვა ვარიანტში მიღებული ქულების გათანაბრების შემდეგ მოხდება. ამის გათვალისწინებით, კონკურსში მონაწილეობას მიიღებენ ის აბიტურიენტებიც, რომელთაც გამსვლელი “ნედლი” ქულა ვერ მიიღეს, მაგრამ მათი გათანაბრებული ქულა მინიმალური კომპეტენციის ზღვარზე მეტი აღმოჩნდა.