ბათუმის სანაპიროზე 3 ახალგაზრდა ტურისტი დაჭრეს. ტურისტები აზერბაიჯანის მოქალაქეები არიან.
პირველადი ინფორმაციით, სამივე ახალგაზრდას ფეხის, ხელის, ასევე სხეულის სხვადასხვა ადგილში ჭრილობები აღენიშნებათ.
შემთხვევა იუსტიციის სახლის მიმდებარე ტერიტორიაზე მოხდა. რა გახდა დაპირისპირების მიზეზი, ჯერჯერობით უცნობია.
გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის მძიმე ან ნაკლებად მძიმე დაზიანებას გულისხმობს.