მთავარისიახლეებისაზოგადოებანაცატუს თხილის საშრობ-სასაწყობე საწარმოში წელს თხილის პირველი მოსავალი მიიღეს

ნაცატუს თხილის საშრობ-სასაწყობე საწარმოში წელს თხილის პირველი მოსავალი მიიღეს [Video]

Published on

სოფელ ნაცატუში თხილის საშრობ-სასაწყობე საწარმოში წელს თხილის პირველი მოსავალი მიიღეს. აღნიშნული სასაწყობე და საშრობი მეურნეობა სეზონზე, თანამედროვე სტანდარტების სრული დაცვით, 1000 ტონა თხილის გაშრობას და 500 ტონა თხილის მუდმივ რეჟიმში შენახვას უზრუნველყოფს.ასევე აქ თხილის გაშრობა და შენახვა ფერმერს, დაახლოებით, 5-დან 8 თეთრამდე დაუჯდება.
წელს ფერმერები გაცილებით უკეთეს მოსავალს ელოდებიან, ვიდრე ეს წინა წლებში იყო. ექსპორტის სტატისტიკა და დაავადებებთან ბრძოლის ღონისძიებები თხილის მწარმოებელთა ასოციაციას აძლევს იმის თქმის საფუძველს, რომ თხილის მოსავლის რაოდენობრივი და ხარისხობრივი საპროგნოზო მაჩვენებლები კარგია.

აზიურ ფაროსანასთან კოორდინირებულმა მუშაობამ, მნიშვნელოვანი შედეგი გამოიღო. ფერემერები ამბობენ, რომ მავნებელი მკვეთრად შემცირდა და მასთან გამკლავება თხილის მწარმოებელთა ასოციაციის დახმარებითა და ფერმერების გაერთიანებით გახდა შესაძლებელი.

რაც შეეხება თხილის ფასს, როგორც თხილის მწარმოებელთა ასოციაციის თავმჯდომარე გიორგი თოდუა ამბობს, ეს დამოკიდებულია თხილის ხარისხზე და წელს გაუმჯობესებული თხილის მოსავალი ფასის ზრდაზეც აისახება

2010-2014 წლებში თხილის ექსპორტი 75-დან 183 მლნ აშშ დოლარამდე გაიზარდა, თუმცა შემდეგ ფაროსანამ და სხვა მავნებლებმა მოსავლიანობა და ხარისხი შეამცირეს, რამაც ექსპორტის $70 მლნ-მდე ვარდნა გამოიწვია.


სიახლეები

ვანო ნადირაძე თბილისის ზღვის სასაფლაოზე დაკრძალეს

უკრაინაში დაღუპული ქართველი მებრძოლი თბილისის ზღვის სასაფლაოზე დაკრძალეს - ვანო ნადირაძე უკანასკნელ გზაზე ოჯახის...

პატიმრობა ჯარიმის გადაუხდელობის შემთხვევაში – ადმინისტრაციულ კოდექსში ცვლილებები შედის

ქართული ოცნების პარლამენტს ადმინისტრაციულ სამართალდარღვევათა კოდექსში დამატებითი ცვლილებები შეაქვს. ცვლილების საბოლოოდ დამტკიცების შემთხვევაში, ადამიანს ადმინისტრაციული...

ვულოცავთ დანიას ევროკავშირის საბჭოს თავმჯდომარედ დანიშვნას… მედი გვაქვს თქვენი ურყევი მხარდაჭერის-ზურაბიშვილი

სალომე ზურაბიშვილი დანიას ევროკავშირის თავმჯდომარედ დანიშვნას ულოცავს და იმედს გამოთქვამს, რომ დანია საქართველოს ევროპულ...

ოცნება სასამართლო სხდომებზე აუდიოჩანაწერების გაკეთებასაც ზღუდავს

ოცნება სასამართლო სხდომებზე აუდიოჩანაწერების გაკეთებასაც ზღუდავს. ამის შესახებ რიგგარეშე პლენარულ სხდომაზე ივანიშვილის დეპუტატმა, არჩილ...