თუშეთში სამაშველო ოპერაცია დილიდან განახლდა. ამ დრომდე უშედეგოდ ეძებენ 18 წლის ლევან შაბალაიძეს. ღამის საათებში სამაშველო ეკიპაჟებიდა პოლიცია მდინარე სტორში მონიტორინგს ისევ ახორციელებდნენ. ხევში გადავარდნილი სატვირთო ავტომობილი სპეციალური ტექნიკის საშუალლებით ამოიტანეს. თუმცა სამწუხაროდ, ახალგაზრდა ვერ იპოვეს.
ავტოსაგზაო შემთხვევა 27 ივლისს მოხდა. ამ დროისთვის მაშველებმა შეძლეს 6 ადამიანის ცხედრის პოვნა და ხევიდან ამოყვანა.
მომხდარ ფაქტთან დაკავშირებით, გამოძიება სსკ-ს 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.