დავით გარეჯში ვითარება დაძაბულია, რადგან ამ დრომდე ტაძრამდე მისასვლელი გზა ბლოკირებულია, ტერიტორიაზე კი აზერბაიჯანელი მესაზღვრეების რაოდენობა გაზრდილია. ანტისაოკუპაციო მოძრაობის წევრები დავით გარეჯში არსებულ ვითარებაზე საგარეო საქმეთა სამინისტროდან რეაგირებას ითხოვენ. დღეს მოძრაობა საორგანიზაციო შეხვედრას გამართავს, სადაც წევრები მოამზადებენ ერთობლივ მიმართვას და დელიმიტაციის კომისიას გადაუგზავნიან. “აზერბაიჯანელმა მესაზღვრეებმა ააშენეს მეორე სამხედრო ბაზა, უდაბნოს მონასტრის მისასვლელთან და გაზარდეს მესაზღვრეების რაოდენობა. ჩვენ შევიმუშავებთ მიმართვის ტექსტს და აუცილებლად მივმართავთ დელიმიტაციის კომისიას, მივმართავთ ჩვენს მთავრობას და მოვითხოვთ საჯარო შეხვედრას საზოგადოების წარმომადგენლებთან,“-განაცხადა დავით ქაცარავამ.
დამატებითი სამხედრო ბაზა დავით-გარეჯში და ბლოკირებული გზა ტაძრამდე – ანტისაოკუპაციო მოძრაობა ხელისუფლებისგან რეაგირებას ითხოვს
Published on