თუშეთში, ხევიდან გადავარდნილი 18 წლის ახალგაზრდის ძებნა დილიდან განახლდა. ავტოსაგზაო შემთხვევის შედეგად, ხევში ჩავარდნილი მანქანის ამოსატანად მაშველებს დამატებით, მძიმე ტექნიკა დასჭირდებათ, რის გამოც თუშეთის მიმართულებით საავტომობილო მოძრაობა აიკრძალა.
ფშაველი-აბანო-ომალოს გზაზე, 27 ივლისს „კამაზის“ მარკის ავტომანქანა, რომლითაც 12 ადამიანი მგზავრობდა, ხევში გადავარდა. შედეგად გარდაიცვალა 6, დაშავდა 2 და ერთ ადამიანს ამ დრომდე ეძებენ.
გამოძიება 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.