დემოკრატიული ჩართულობის ცენტრში არასამთავრობო ორგანიზაციების წარმომადგენლები ზუგდიდის მერიის ჯანდაცვისა და სოციალური პროგრამების მიმდინარეობას გაეცნენ. დემოკრატიული ჩართულობის ქსელების ზუგდიდის ცენტრის ხელმძღვაენლი ეკა მინჯორაია ამბობს, რომ საკორდინაციო სახის შეხვედრა ჯანდაცვისა და სოციალურ პროგრამებზე მიმართულია იმისათვის რომ მოხდეს, მოქალაქეების სწორად გადამისამართება სხვადასხვა სტრუქტურებში, რომლებიც ამ მიმართულებით დახმარებას საჭიროებენ. მისი თქმით, მუნიციპალიტეტთან ერთად იდენტიფიცირება უნდა მოხდეს იმ ბენეფიცირების, რომლებიც არცერთ პროგრამაში არ არიან ჩართულები. ზუგდიდის მერიის სოციალური და ჯანდაცვის სამსახურის უფროსი ნინო სხულუხია განმარტავს, თუ რა სახის თანამშრომლობა შედგება არასამთავრობო სექტორსა და მუნიციპალიტეტს შორის. ნინო სხულუხიას განმარტებით, მუნიციპალიტეტს აქვს სურვილი ფლობდეს განახლებად ბაზას, სადაც თავმოყრილი იქნება აბსოლუტურად ყველა მიმდინარე პროექტი, „რომ ვიცოდეთ რა მიმართულებით მუშაობენ არასამთავრობო სექტორი და არ მოხდეს სერვისის გადაფარვა, პირიქით მოხდეს მოცვა აღნიშნული პროექტების“.