სპექტაკლი სახელწოდებით „უღელტეხილი“ რომელშიც ზუგდიდისა და ფოთის თეატრის მსახიობები მონაწილეობენ, დღეს ზუგდიდელი მაყურებლის წინაშე ერთობლივი სპექტაკლით წარსდგნენ. როგორც ზუგდიდის თეატრის მთავარი რეჟისორი გეგა ქურციკიძე განმარტავს, ახალი ნამუშევარი სახელწოდებით „უღელტეხილი“ საქართველოს უახლეს ისტორიას ასახავს, სადაც კარგად არის დანახული თუ როგორი მძიმე და ურთულესი გზა გამოაიარეს აფხაზეთის ომის შემდეგ ენგურს გაღმა მცხოვრებმა ქართველებმა.
სპექტაკლი ორ ოქტომბერს თბილისში საერთაშორისო ფესტივალზეა მიწვეული. დღევანდელი სპექტაკლიც ფოთის რეგიონული თეატრების საერთაშორისო ფესტივალის ფარგლებში გაიმართა, რომელიც უკვე მეხუთე წელია ტრადიციას არ ღალატობს და მომავალი წლისთვის ახალი ნამუშევრით წარსდგება მაყურებლის წინაშე.