დღეს ზუგდიდში პროექტის „სამოქალაქო ბიუჯეტის ზუგდიდში“ ფარგლებში, ადგილობრივი ხელისუფლებისა და სამოქალაქო საზოგადოების წარმომადგენლები ფაიფურის უბნის მაცხოვრებლებს შეხვდნენ. აღნიშული პროექტი მიზნად ისახავს, უბნის საჭიროებებიდან გამომდინარე მოსახლეობის ჩართულობას. მოსახლეობა თავად ირჩევს და წინადადებით მიმართავს საკრებულოს, თუ რა სახის სამუშაოები უნდა განახორციელონ უბნებში, კერძოდ, მცირე ზომის სტადიონების მშენებლობა, დასასვენებელი სკვერებისა და ბაღების მოწყობა და ა.შ ადგილობრივი ხელისუფლების წარმომადგენლების თქმით, ბიუჯეტიდან ერთი მილიონი ლარია გამოყოფილი და ზუგდიდის ხუთ უბანზე გადანაწილდება. ამ ეტაპზე მოსახლეობასთან საინფორმაციო ხასიათის შეხვედრები მიმდინარეობს. ცნობისთვის, სამოქალაქო ბიუჯეტის პრაქტიკა დიდი ხანია არსებობს ევროპულ ქვეყნებში, რაც შეეხება საქართველოს, 2014 წლიდან პირველი სამოქალაქო ბიუჯეტი მარნეულში განახორციელდა. ამ პროცესს ზუგდიდიც შეუერთდა და სხვადასხვა სახის პროექტების განხორციელება 2020 წლიდან დაიწყება.