ფესტივალი F5 ზუგდიდში დღეს გაიხსნა. სტუმრები თანამედროვე მწერლებისა და პოეტების შემოქმედებას გაეცნენ. პოეტებმა და მწერლებმა ისაუბრეს ლიტერატურაზე, ფესტივალის მნიშვნელობასა და აუცილებლობაზე. ფესტივალის ორგანიზატორის, ტელერადიოკომპანია “ოდიშის” გადაცემა “თეზისის” ავტორისა და წამყვანის ნიკა ლაშხიას თქმით, სურვილი აქვს, რომ ტრადიციად იქცეს ლიტერატურული ფესტივალი და ყოველწლიურად ჩატარდეს. ფესტივალი F5-ს საფუძველი ერთი წლის წინ ჩაეყარა და შარშან პირველად გაიმართა.