ზუგდიდში ლევან მიქელაძის სახელობის ფონდის წარმომადგენლებმა დისკუსია გამართეს, რომელიც ეხებოდა ქართველებს, აფხაზებს და ოსებს შორის ნდობის აღდგენასა და მშვიდობიანი ურთიერთობის ხელშეწყობას. როგორც ლევან მიქელაძის სახელობის ფონდის აღმასრულებელი დირექტორი არჩილ გეგეშიძე განმარტავს, პროექტი „კონფლიქტის ტრანსფორმაციის ხელშეწყობა“ მიზნად ისახავს კონფლიქტის შედეგად ორად გახლეჩილ მხარეებს შორის ნდობის აღდგენას. მშვიდობისა და კონფლიქტების მკვლევარი ნათია ჭანკვეტაძე აღნიშნავს, რომ იგი კონფლიქტის ტრანსფორმაციის საკითხებზე მუშაობს და ფიქრობს, რომ ამ საკითხებზე თეორიული კუთხით მუშაობაზე უფრო პრაქტიკული მუშაობაა შედეგის მომცემი. აღნიშნული შეხვედრა პროექტ „კონფლიქტის ტრანსფორმაცის ხელშეწყობის“ ფარგლებში გაიმართა, რომელსაც ფინანსური დახმარება ამერიკულმა ფონდმა The National Endowment for Democracy გაუწია.