ფრანგულ-ქართული ურთიერთობები და მიურატების მამული ჭკადუაშში [Video]

0
296

არც-ერთი ევროპული დინასტია არ არის მჭიდროდ დაკავშირებული საქართველოსთან, კერძოდ, სამეგრელოს კუთხესთან, როგორც საფრანგეთის მიურატები. ფრანგულ-ქართული ურთიერთობები დაკავშირებულია სამეგრელოს დედოფლის ეკატერინე ჭავჭავაძე-დადიანის სახელთან და მის შვილებთან. დიდი წარსულის მქონე სოფელ ჭკადუაშში, დადიანების შთამომავლებმა, ისტორია სურათების სახით გააცოცხლეს და მიწვეულ სტუმრებს დეტალური ინფორმაციები მიაწოდეს იმ სურათებზე, სადაც გამოსახულია „სალომე დადიანის და აშილ მიურატის ქორწილი პარიზში“, „სტუმრები ჭკადუაშში, მარცხნიდან მარჯვნივ მესამე სალომე დადიანი“. სიმბოლურია იმ სურათის ნახვა, სადაც სალომე დადიანი სტუმრებთან ერთად თოფებით ხელში არის გადაღებული და სწორედ ეს სურათი დიდი ფორმატით იმ ადგილს იკავებს , სადაც თავად სურათზე აღნიშნული სცენა იყო გადაღებული. დადიანების შთამომავლები პრინცი ალენ მიურატი და პრინცესა ვერონიკა და მათი ქალიშვილი მატილდა, დიდი სიამაყით წინაპრების ისტორიაზე გვიყვებიან. სამეგრელო ზემო-სვანეთის გუბერნატორის ალექსანდრე მოწერელიას თქმით, მნიშვნელოვანია ის ფაქტი, რომ მიურატების ოჯახი აქ დასახლდა და აგრძელებენ წინაპრების მიერ დაწყებულ საქმეს. დადიანების სანადირო რეზიდენცია ჭკადუაშში 1735 წელს არის აგებული და ამ ადგილას მეხუთე წელია ალენ მიურატი ოჯახთან ერთად ცხოვრობს.

კომენტარის დატოვება

Please enter your comment!
Please enter your name here