“ლავროვის განცხადებიდან ცალსახად ჩანს, რომ დღეს რუსეთის სამიზნე საქართველოში “რუსთავი 2″, პროდასავლური ოპოზიცია და ანტისაოკუპაციო განწყობის მქონე ქართული საზოგადოებაა. ” – ეროვნულ-დემოკრატიული პარტიი თავმჯდომარე, გაერთიანებული ოპოზიციის ერთ-ერთი ლიდერი, ბაჩუკი ქარდავა “ქართული ოცნების” თავმჯდომარის ბიძინა ივანიშვილისა და კრემლის კავშირზე საუბრობს. იგი აცხადებს, რომ რუსეთს საქართველოში თავის მოკავშირედ სწორედ ივანიშვილის ხელიუფლება ეგულება.
– უბედურება ის არის, რომ ამ განცხადებიდანვე იკვეთება – ლავროვს საქართველოში მოკავშირედ ეგულება ბიძინა ივანიშვილის ხელისუფლება. “ქართული ოცნების” ხელისუფლება საბოლოოდ ჩამოყალიბდა კრემლის მარიონეტ რეჟიმად, რომელიც ყველაფერზე წავა. მას ხომ რუსეთი მხოლოდ ტემპს უწუნებს, თორემ ივანიშვილი “რუსთავი 2”- სა და ოპოზიციას ისედაც სჯის.
ივანიშვილი მისი დღევანდელი განცხადებით იმას ამბობს, რომ ის ამას აუცილებლად გამოასწორებს და ალბათ დააჩქარებს შეტევას იმ ობიექტებზე, იმ მიმართულებით, რაც ანიშნა კრემლმა ამ შემთხვევაში ლავროვის პირით”- განაცხადა ბაჩუკი ქარდავამ.