ანაკლიის ისტორიული ციხის ტერიტორიაზე ლოტბარ პოლიკარპე ხუბულავას სახელობის მეგრული ფოლკლორის პირველი საერთაშორისო ფესტივალი გაიმართა, რომელშიც მონაწილეობა საქართველოს სხვადასხვა მუნიციპალიტეტების და დიდი ბრიტანეთისა და ირლანდიის ფოლკლორულმა ანსამბლებმა მიიღეს.
ლონდონის და დუბლინის ფოლკლორულმა ანსამბლებმა ანაკლიაში მეგრული სიმღერები შეასრულეს, რამაც მსმენელის განსაკუთრებული მოწონება დაიმსახურა. ლოტბარ პოლიკარპე ხუბულავას სახელობის მეგრული ფოლკლორის საერთაშორისო ფესტივალი ,,კოლხი და…“ ზუგდიდის მუნიციპალიტეტის ხელოვნებისა და კულტურის განვითარების ცენტრის ინიციატივითა და ზუგდიდის მუნიციპალიტეტის მერიის ეგიდით ტარდება.