დღეს, ზუგდიდში მოძრაობა „სირცხვილია“-ს წევრებმა ქალაქის ცენტრში სპეციალური ფლაერები წარწერით „გახარია წადი!“ დაარიგეს. მათი თქმით, 26 დღეა პარლამენტის წინ ანტისაოკუპაციო აქცია მიმდინარეობს და ისინი აქციის მონაწილეებს სოლიდარობას უცხადებენ. სტუდენტი მეგი შამათავა ამბობს, რომ 20 ივნისის აქციის დარბევაში მონაწილეები ამ დრომდე დაუსჯელები არიან. ანალოგიური ხასიათის აქცია პალალელურად რამდენიმე დიდ ქალაქში გაიმართა. 20 ივნისის აქციის დარბევისას სამმა ახალგაზრდამ თვალი დაკარგა, 240-მა პირმა მიიღო სხვადასხვა სახის დაზიანება, ძირითადად სახის არეში. პროფესიული მოვალეობის დროს სულ 38 ჟურნალისტი დაშავდა.