ზუგდიდში ვლაქერნობა აღინიშნება. ამ დღეს ტრადიციულად დადიანების ისტორიული სასახლის საცავიდან ღვთისმშობლის კვართს გამოაბრძანებენ. დღეს დილიდან დადიანების ეზოდან ივერიის ღვთიმშობლის ხატის სახელობის მშენებარე საკათედრო ტაძრამდე მსვლელობა მოეწყო, რის შემდეგაც წმინდა სამოსელი ტაძარში დააბრძანეს.მომლოცველებს მთელი დღის განმავლობაში შეეძლებათ კვართთან მიახლოება და მოლოცვა. სპეციალურად ამ დღის აღსანიშნავად ზუგდიდში მომლოცველები საქართველოს სხვადასხვა კუთხიდან ჩავიდნენ.