“საშიში განცხადება, რომელმაც ფაქტობრივად, დიპლომატიური სკანდალი გამოიწვია ” – ასე შეაფასა ერთიანი ნაციონალური მოძრაობის” ერთ-ერთი ლიდერმა სალომე სამადაშვილმა გიორგი გახარიას განცხადება იმის შესახებ, რომ 20 ივნისის ღამის მოვლენებს მასთან ერთად პარლამენტიდან ადევნებდნენ თვალს უცხოელი ელჩები.

ენმ-ს წევრმა მინისტრი დასავლურ ქვეყნებთან ურთიერთობებში განხეთქილების შეტანაში დაადანაშაულა.

„ეს არის ძალიან საშიში რამ, რაც მან განაცხადა იმიტომ, რომ პირველი, რა თქმა უნდა, ეს არის რაღაც მცდელობა ამოეფაროს ვიღაცის კალთას, დიპლომატების კალთას. მისი განაცხადი, რომ თითქოს დასავლეთის ქვეყნის ელჩები იმყოფებოდნენ იქ, როდესაც ის არბევდა დემონსტრანტებს, ეს არის პირდაპირ მცდელობა, რომ განხეთქილება შეიტანოს სწორედ ამ ურთიერთობებში და გარკვეულ წილად გაუცხოება გამოიწვიოს დასავლეთის ქვეყნების წარმომადგენლებსა და დემოკრატიულ ძალებს შორის ქვეყანაში. და ეს მას რა თქმა უნდა არ გამოუვა იმიტომ, რომ ამ ტყუილებს არავინ არ ჭამს,“-განაცხადა სალომე სამადაშვილმა.