დავით სარალიძის მკვლელობის საქმე – ბრალდებული მიხეილ კალანდია პატიმრობაში რჩება
სასამართლოზე პროკურატურამ მიხეილ კალანდიას პატიმრობაში დატოვება მოითხოვა. “წარმოდგენილი გვაქვს მტკიცებულებები და ვიშუამდგომლებთ მათ დასაშვებად ცნობას. ასევე გადაისინჯება აღკვეთის ღონისძიება. ბრალდების მხარე თავდაპირველ პოზიციას უჭერს მხარს და მიგვაჩნია, რომ საქმეში არსებობს საკმარისი მტკიცებულებები აღკვეთის გამოყენების. მტკიცებულებების შინაარსში ვერ შევალ, თუმცა საქმეში არსებობს როგორც წერილობითი, ასევე აუდიო-ვიდეო ჩანაწერები, ექსპერტიზის დასკვნები და სხვა სახის მტკიცებულებები, რაც ერთობლიობაში ბრალდების მხარის პოზიციას ადასტურებს”, – აღნიშნა საქმის პროკურორმა მირიან მეგრელიშვილმა
დაცვის მხარე კალანდიას აღკვეთის ღონისძიების გარეშე დატოვებას, ხოლო ალტერნატივის სახით გირაოს შეფარდებას მოითხოვდა, რაც მოსამართლემ არ დააკმაყოფილა.
ბრალდებული მიხეილ კალანდია წარდგენილ ბრალდებაში თავს დამნაშავედ არ ცნობს. მოსამართლის კითხვაზე ცნობს თუ არა თავს დამნაშავედ წარდგენილ ბრალში. კალანდიამ თქვა:„არ ვცნობ თავს დამნაშავედ”.