საერთაშორისო ბიზნეს სკოლამ (IBS) საზაფხულო სკოლის ფარგლებში პირველი ნაკადი გააცილა და ამასთან დაკავშირებით თითოეულ კურსდამთავრებულს სერთიფიკატები გადასცა. საზაფხულო სკოლის მონაწილეები 5-დან 7წლამდე ასაკობრივი ჯგუფის ბავშვები არიან.
ორგანიზაციის მომავალ მიზნებზე,ხედვებსა და პერსპექტივებზე ისაუბრა საერთაშორისო ბიზნეს სკოლის მენეჯმენტმა გუნდის წევრებთან ერთად.
ორგანიზაცია აგრძელებს საზაფხულო სკოლის მონაწილეების მიღებას სხვადასხვა ასაკობრივ კატეგორიებში.
„საერთაშორისო ბიზნეს სკოლა“ არის ორგანიზაცია, რომელიც ფუნქციონირებს ზუგდიდში და რომლის მიზანიც არის მოზარდებში ფინანსური წიგნიერების ზრდა, ორგანიზაცია განსაკუთრებულ აქცენტს აკეთებს ახალგაზრდებში მეწარმეობრივი უნარ-ჩვევების გამომუშავებაზე,უცხო ენების სხვადასხვა მეთოდებით შესწავლასა და ტურიზმის განვითარებაზე.