20 ივნისის სისხლიან ღამეს დაშავებული კიდევ ერთი ახალგაზრდა, დავით ღურწკაია ამბობს, რომ პოლიციამ დემონსტრანტების წინააღმდეგ არაპროპორციული ძალა გამოიყენა. დავით ღურწკაიას რამდენიმე ტყვია გულმკერდის არეში მოხვდა.
მისი თქმით, პოლიციელთა ნაწილი რეზინის ტყვიებს მათი მიმართულებით დამიზნებით და ცინიკური გამომეტყველებით ისროდა.
“პოლიციამ ერთი რუსი ოკუპანტის გამო გადაამეტა ძალას და ჩაგვცხრილა როგორც ცხოველები. ჩვენზე ნადირობდნენ როგორც ცხოველებზე. ეს ისეთი რაღაცა არის, უნდა ესროლო მიწას და ასხლეტვით უნდა მოგხვდეს, მაგრამ ჩვენ გვესროდნენ დამიზნებით და როცა გვესროდნენ, იცინოდნენ,”-აცხადებს დავით ღურწკაია.