შსს განცხადება 20-21 ივნისის აქციის დარბევაში საპოლიციო ძალების მონაწილეობის შესახებ

0
472

შინაგან საქმეთა სამინისტრო 20-21 ივნისს პარლამენტის წინ მიმდინარე აქციის დარბევისას მონაწილე საპოლიციო ძალების შესახებ განცხადებას ავრცელებს.

“გვსურს საზოგადოებას მივაწოდოთ ოფიციალური ინფორმაცია, 20-21 ივნისს პარლამენტის შენობასთან ჩატარებულ ღონისძიებაში მონაწილე საპოლიციო ძალების შესახებ.

გაცნობებთ, რომ აღნიშნულ საპოლიციო ღონისძიებაში მონაწილეობას იღებდნენ მხოლოდ შინაგან საქმეთა სამინისტროს დანაყოფები.

სხვადასხვა მედიასაშუალებით გავრცელდა დეზინფორმაცია, რომ თითქოს აღნიშნულ ღონისძიებაში მონაწილეობას იღებდნენ სხვადასხვა სამინისტროები ანდა მათი ქვედანაყოფები.

ამის ერთ-ერთი დადასტურებაა გავრცელებული ცრუ ინფორმაცია, რომ თითქოს ღონისძიებაში ჩართული იყო იუსტიციის სამინისტროს ე.წ. სპეცრაზმი. გაცნობებთ, რომ საქართველოს მთავრობის განკარგულებით, იუსტიციის სამინისტროს სასჯელაღსრულების სპეციალური დანიშნულების ძალების სამმართველო 2019 წლის 14 თებერვლიდან გაუქმებულია. შესაბამისად, ამ ქვედანაყოფის საპოლიციო ღონისძიებაში მონაწილეობის შესახებ გავრცელებული ინფორმაცია არ შეესაბამება სიმართლეს” – აღნიშნულია უწყების განცხადებაში.

წინა სტატიაAmnesty International: ,,ბორდერიზაციამ”გამანადგურებელი გავლენა იქონია ადამიანის უფლებებზე
შემდეგი სტატიასაქსტატი: ივნისში ფასები მაისთან შედარებით გაზრდილია
ტელეკომპანია ოდიშის საინფორმაციო სამსახური