“ბიძინა ივანიშვილიც უნდა დავამარცხოთ ისე, რომ არ შემოჭენდეს სააკაშვილი იქ,“ – ეს განცხადება „არჩევანის“ ეთერში ალეკო ელისაშვილმა გააკეთა. ამ მოსაზრების გაჟღერების შემდეგ  „სამოქალაქო მოძრაობის“ ლიდერსა და ხატია დეკანოიძეს შორის კამათი მოხდა. „ნაციონალური მოძრაობის“ წევრის თქმით, ალეკო ელისაშვილი „ქართული ოცნების“ ორბიტაზეა და ის რუსეთისა და კარასინის მესიჯებს იმეორებს. მათ ერთმანეთი პოპულიზმში დაადანაშაულეს.

„ნაციონალური მოძრაობის“ წევრმა ის პარტიები გააკრიტიკა, რომლებიც პროპორციულ საარჩევნო სისტემაზე გადასვლასთან დაკავშირებით „ქართული ოცნების“ მიერ გამართულ პრეზენტაციას დაესწრნენ.

„ეს არის სამარცხვინო, იმიტომ ხარ, ალეკო, “ოცნების” ორბიტაზე. იმეორებ იმას, რასაც ამბობენ რუსები და კარასინი, იმიტომ მიხვედი, იმიტომ მოუხადე მადლობა,“ – განაცხადა დეკანოიძემ, რაზეც ელისაშვილმა აღნიშნა, რომ ის საქართველოს ორბიტაზეა.