ზუგდიდში, დადიანების ისტორიული მუზეუმის ეზოში, ღია ცის ქვეშ, იურიდიული დახმარების სამსახურის წარმომადგენლებმა დამსწრე საზოგადოებას ორი ახალი პროექტი წარუდგინეს. პროექტები სახელწოდებით „გაიგე მეტი ემიგრაციის შესახებ“ და „შენი უფლებები 18 წლამდე“, რომლის მიზანზე საუბრობს იურიდიული დახმარების სამსახურის დირექტორი რაჟდენ კუპრაშვილი. მისი თქმით, პროექტი „გაიგე მეტი ემიგრაციის შესახებ“ ემიგრაციის აქტუალურ საკითხებს ეხება, რაც საშუალებას მისცემს დაინტერესებულ მოქალაქეებს მიიღონ უფრო მეტი ინფორმაცია თუ რა სახის პრობლემებს აწყდებიან ემიგრანტები სამართლებრივი თვალსაზრისით და როგორია თავშესაფრის მიღების ლეგალური გზები. პროექტი „შენი უფლებები 18 წლამდე“, თავად მოსწავლეებმა საინტერესოდ წარადგინეს და იქვე მყოფ ბავშვებს რამდენიმე აქტივობაში მიაღებინეს მონაწილეობა. ღონისძიებას სამთავრობო, არასამთავრობო, საგანმანათლებლო და საერთაშორისო ორგანიზაციების წარმომადგენლები ესწრებოდნენ, აქვე უნდა აღინიშნოს, რომ ორი ივლისი იურიდიული დახმარების შესახებ საქართველოს კანონის ამოქმედების დღეა.