,,დაინახე და დააფასე ჩვენი შესაძლებლობები“ – ამ სახელწოდებით დადიანების ისტორიულ-არქიტექტურული მუზეუმის ეზოში, გიგი სიჭინავას შემოქმედებითი საღამო გაიმართა. მოწვეულ სტუმრებს შესაძლებლობა ჰქონდათ მუსიკის ფონზე დაეთვალიერებინათ გიგის შემოქმედება და ადგილზე აეწყოთ მისი ფერწერული ნამუშევრებისგან შექმნილი ე.წ. პაზლები. გიგი სიჭინავა აუტისტური აშლილობის სპექტრის მქონე 14 წლის მოზარდია, რომელიც იტალიაში განოფენის მოწყობაზე ოცნებობს.
გიგი სიჭინავას საკუთარი სახელოსნოც აქვს. გიგის 250-მდე პორტრეტი, 60-ზე მეტი ნახატი და 300-მდე ინოვაციური მანქანა და ნაძერწი ნივთი აქვს, მონაწილეობა მიიღო არაერთ გამოფენაში, ახალგაზრდა შემოქმედი მომავალ წელს გამოფენის გამართავს ევროპაში გეგმავს. გიგი სიჭინავა ზუგდიდის მუნიციპალიტეტის მერიამ, ,,განსაკუთრებული ნიჭის მქონე ახალგაზრდების” პროგრამიდან დააფინანსა, რომლის ფარგლებში, მისი ფერწერული ტილოები ე.წ. პაზლის სახით გამოსცა.