„კურიერის“ ინფორმაციით საქართველოს მთავრობამ, 20 ივნისის ღამეს, მომიტინგეების დასარბევად სპეცრაზმი საოკუპაციო ხაზიდან მოხსნა და თბილისში გადმოისროლა. დარბევაში მონაწილეობდნენ, კახეთის, აჭარის, ზუგდიდის, რუსთავის, მცხეთის, თბილისის, გორის, სამცხე-ჯავახეთის სამმართველოები, კრიმინალური პოლიცია, ამ პროცესებში ასევე ჩართული იყო სასაზღვრო პოლიცია და სხვა უწყებებიც.

„ევროპული საქართველო – მოძრაობა თავისუფლებისთვის“ პოლიტიკური საბჭოს წევრი, გივი თარგამაძე “კურიერთან” ექსკლუზიურად ამბობს, რომ 20 ივნისის სისხლიანი ღამეს თბილისში ​ანტისაოკუპაციო მიტინგის დასარბევად 15 000 თანამშრომელი იყო მობილიზებული. ინფორმაციამ უშუალოდ დარბევაში მონაწილე პირებისგან გაჟონა. უშუალოდ პარლამენტის შენობაში იყო 7 ათასი პოლიციელი, რაც თავისთავად გამორიცხავდა იქ შესვლას.

თარგამაძე ამბობს, რომ სამართალდამცავთა დიდი რაოდენობა იძლევა საფუძველს ვარაუდისთვის, რომ დარბევა წინასწარ იყო განზრახული – ამ ადამიანებს კიდევ ცალკე დავალება ჰქონდათ, ისინი იყვნენ გაფანტული ხალხში, ისინი ახერხებდნენ პროვოკაციების შექმნას, ადამიანები, რომლებიც პოლიციის მიღმა უსწორდებოდნენ ხალხს, ჩემი აზრით, ეს არის სწორედ ამ დაცვის სამსახურის წარმომადგენლები,“ – განაცხადა მან

მისივე თქმით, განხორციელდა 18 ათასი გასროლა. სულ კი, ასი მსროლელი იყო, მათგან 50 -სნაიპერი.

„ბრძანებებს ვინ გასცემდა, მე ვერ გეტყვით, მაგრამ ამ მომენტში,საქართველოს პარლამენტის შენობაში იმყოფებოდა ბატონი გახარია, მისი მოადგილე საბანაძე, სახელმწიფო დაცვის სამსახურის უფროსი ჩუბინიძე, საპატრულო პოლიციის მოადგილე სირაძე, განსაკუთრებულ დავალებათა დეპარტამენტის უფროსი  კაკუჩიშვილი “ – განაცხადა თარგამაძემ.