ზედაეწერში მცხოვრები ცაცა ციმინტია სოციალურად დაუცველია. ის ადგილობრივი ხელისუფლებისგან ყურადღებას და დახმარებას ითხოვს, ამბობს, რომ წლებია გაუსაძლის პირობებში ცხოვრობს, თუმცა მისი პრობლემით ხელისუფლება არ ინტერესდება, ეჭვობს, რომ ეს მის პოლიტიკურ შეხედულებებს უკავშირდება.
ქართველმა ემიგრანტებმა ცაცა ციმინტიას შესახებ მას შემდეგ გაიგეს, რაც მასთან სანდრა რულოვსი მივიდა და მის მდგომარეობას ადგილზე გაეცნო. ქართველმა ემიგრანტებმა მას დახმარება გაუწიეს.ემიგრანტების საჩუქარი სოციალურად დაუცველ ქალბატონს გადაცემა „ლუსტრაციის“ წამყვანმა ლევან თორიამ გადასცა.ამერიკაში მცხოვრები ქართველი ემიგრანტები ირაკლი კვარაცხელია, ნანა ნიქაბაძე, მაგდა ფორჩხიძე და სხვები ქალბატონ ცაცას სოციალურმა მდგომარეობამ დააინტერესა და სწორედ ამის შემდეგ გადაწყვიტეს მისთვის დახმარების გაწევა.ეს პირველი შემთხვევა არ არის, როდესაც ამერიკაში მცხოვრები ქართველი ემიგრანტები ეხმარებიან საქართველოს მოქალაქეებს, რუსეთთან ომის დროს უკრაინაში დაღუპული ქართველი მებრძოლის ალექსანდრე გრიგოლაშვილს ოჯახს მათი დახმარებით აღარ მოუწევს ქირიდან ქირამდე ცხოვრება ან ღამის ქუჩაში გათევა, მათ დღეს სტაბილური საცხოვრებელი აქვთ.ამერიკაში მცხოვრები ემიგრანტებმა ასევე დაარსეს არასამთავრობო ორგანიზაცია “ამერიკელი ქართველები პროგრესისთვის”, რომლის სულის ჩამდგმელია დავით ცქიფურიშვილი, სხვა პატრიოტ ქართველებთან ერთად, რომელთა შორისაც საქართველოს წინა ხელისუფლების მინისტრები, თუ სხვა ყოფილი მაღალი თანამდებობების პირებიც არიან, რომლებიც დღეს ფიზიკურად მუშაობენ ამერიკაში და არ ავიწყდებათ საქართველო. ამ ორგანიზაციის ამოცანაა სხვადასხვა პროექტების დაფინანასება უკეთესი საქართველოსთვის