პროპორციული არჩევნები ნულოვანი ბარიერით – მმართველი გუნდის კანონპროექტის პრეზენტაციაზე დასწრებას არ აპირებს ოპოზიციის ნაწილი. ისინი სტატისტის როლში ყოფნაზე გაცილებით მნიშვნელოვნად, კონსულტაციებს მიიჩნევენ. ხელისუფლების ოპონენტები თვლიან, რომ ნულპროცენტიანი ბარიერის პირობებში ბლოკების შექმნის საკითხის მარტივად მოხსნა დისკუსიის გარეშე არ შეიძლება. მათი თქმით, პარტიებს უნდა ჰქონდეთ შესაძლებლობა, თავად გადაწყვიტონ, რა სახით სურთ არჩევნებში პოზიციონირება. მიუხედავად ამისა, ოპოზიცია ნებისმიერ შემთხვევაში მზად არის უმნიშვნელოვანეს საკონსტიტუციო ცვლილებას მხარი დაუჭიროს, რათა საზოგადოების ხანგრძლივი ბრძოლის შედეგი, მათ საბაბით არ შეყოვნდეს . პრეზენტაციაზე დასწრებას გეგმავს „შენების მოძრაობა“. პარტიის ლიდერის, დავით უსუფაშვილის განცხადებით, მათ აინტერესებთ გაარკვიონ, რას ფიქრობს „ქართული ოცნება“, რატომ არის საჭირო პროპორციული არჩევნები.