ზუგდიდში, თავისუფლების მოედანზე „პატრიოტთა ალიანსის” ორგანიზებულ აქციაზე  ძირითადად ხალხი რეგიონებიდან ჩამოიყვანეს. შეკრებილებს პარტიის ლიდერებმა მიმართეს. დღევანდელ აქციაზე ისევ გაისმა მიხეილ სააკაშვილისა და გიგა ბოკერიას გასამართლების მოთხოვნა.ასევე აქციაზე მთავრობის გადადგომა მოითხოვეს. პარტიის ლიდერების თქმით, ის რაც დღეს ხდება თბილისში, არის დადგმული სპექტაკლი ხელისუფლებისა და ოპოზიციის მიერ მართული: „ჩვენი მოთხოვნები იგივე რჩება, გაიმართოს სხდომა და გამოცხადდეს სააკაშვილი-ბოკერიას ხელისუფლება დამნაშავე რეჟიმად, წავიდეს ოცნება ხელისუფლებიდან და დავიცვათ დავით-გარეჯი“- განაცხადა ირმა ინაშვილმა. რაც შეეხება დავით-თარხან-მოურავს, კითხვაზე, რატომ არ უერთდებიან თბილისში მიმდინარე აქციას, განაცხადა, რომ ეს არის მათი პოლიტიკური თამაში და ამ თამაშში ისინი არ ერთვებიან.