ნიკა მელიას მოსამართლე გოგოხია სათათბიროდ გავიდა. გადაწყვეტილება ცნობილი, სავარაუდოდ, ნახევარ საათში გახდება ცნობილი. ამ წუთებში პროცესზე შესვენებაა გამოცხადებული.
თბილისის საქალაქო სასამართლოში ცნობილი გახდა, რომ ნიკა მელიას თვდებში 27 დეპუტატი უდგება, ადვოკატმა მოსამართლეს დეპუტატების სია შუამდგომლობისთვის უკვე წარუდგინა. მელიას თავდებში ფრაქცია „ნაციონალური მოძრაობის“, ასევე, „ევროპული საქართველოს“ ყველა წევრი და ერთიც დამოუკიდებელი დეპუტატი უდგება. თუმცა ისინი დარწმუნებუული არიან, რომ მოსამართლეს ამის უფლებას შუშის სასახლიდან არ მისცემენ, მას კი არ ეყოფა ნებელობა წინააღმდეგობა გაუწიოს აკრძალვას.
შეგახსენებთ, ნიკა მელიამ სასამართლო პროცესზე მოსამართლე თემურ გოგოხიას მიმართა და განაცხადა, რომ ის მოსამართლეთა კლანის წევრია და ამიტომ თბილ სიტყვებს მისგან არ უნდა ელოდოს:
„თქვენ ხართ მურუსიძისა და ჩინჩალაძის კლანის წევრი და თქვენ ხართ მოსამართლე ჩინჩალაძის მეგობარი, ამიტომ ვერ ეღირსებით ჩემგან თბილ სიტყვებს. თქვენ ამ ადგილს ამ კლანის წევრობის გამო იკავებთ“- მიმართა ნიკა მელიამ მოსამართლეს.