,,იქიდან გამომდინარე, რაც ვნახე, არ მგონია, კითხვის ნიშნები არსებობდეს გადამეტებული ძალის გამოყენების მიმართ. ასევე მოვისმინე ცნობები, რომ რამდენიმე დემონსტრანტი აპირებდა პრობლემების შექმნას. მთავრობამ აღიარა, რომ გავრილოვის მოწვევით შეცდომა დაუშვა და იმითაც, რაც მოხდა. თუმცა, ვფიქრობ, მეტის გაკეთებაა საჭირო.
უნდა ჩატარდეს ღრმა, მიუკერძოებელი და სამართლიანი გამოძიება ძალის გამოყენებასა და ამ ბრძანების გაცემაზე. ეჭვი არ არსებობს, რომ ძალის გამოყენების ხარისხი იმ დაზიანებების მიხედვით, ძალიან მაღალი იყო,”-აცხადებს შეერთებული შტატების ყოფილი ელჩი საქართველოში კენეტ იალოვიცი.
ბიძინა ივანიშვილის არაფორმალურ მმართველობაზე საუბრობს. ,, რაც ახლა ძალიან მაშფოთებს, არის იმ პირის გავლენა, რომელიც არ არის არჩეული, პარტიას ხელმძღვანელობს და იღებს ყველა გადაწყვეტილებას.”
დიპლომატი ამბობს, რომ საქართველოს, რომელსაც სურს ნატოს წევრობა და ევროკავშირთან ახლო ურთიერთობა სურს, უნდა მიხედოს მის დემოკრატიას და ადამიანის უფლებებს.