ხიდის შესაძლო ჩაკეტვიდან გამომდინარე პრობლემებზე საუბრობენ ტაქსის მძღოლები, რომლებიც წლებია ენგურის ხიდზე მუშაობენ [Video]

0
635

გავრცელებული ინფორმაციის თანახმად, 8 ივლისიდან შესაძლოა ენგურის ხიდი ჩაიკეტოს. რა შესაძლო საფრთხეები და პრობლემები შეიძლებმა აღნიშნულმა ფაქტმა გამოიწვიოს, ამ თემაზე ენგურის ხიდზე, ენგურს გაღმა მცხოვრები ქართველები ჩავწერეთ. უმრავლესობამ კომენტარის გაკეთებისგან, უსაფრთხოების მიზნით თავი შეიკავა, თუმცა პირად საუბრებში განმარტეს, რომ ხიდის ჩაკეტვა უამრავ პრობლემას შეუქმნის ისედაც ჩაკეტილ სივრცეში მცხოვრებ მოსახლეობას. ხიდის შესაძლო ჩაკეტვიდან გამომდინარე პრობლემებზე საუბრობენ ტაქსის მძღოლები, რომლებიც წლებია ენგურის ხიდზე მუშაობენ. ბოლო წლების განმავლობაში ხიდი რამდენჯერმე იყო ჩაკეტილი, რაც ენგურს გაღმა და გამოღმა მცხოვრებ დევნილ მოსახლეობას პრობლემებს უქმნიდა. სტატისტიკური მონაცემებით, ენგურს გაღმა, გალის რეგიონში დაახლოებით 65 ათასამდე ქართველი ცხოვრობს. გავრცელებული ინფორმაციის თანახმად დღეს აფხაზეთში ე.წ ხელისუფლების წარმომადგენლების მხრიდან აქტიურად განიხილებოდა ენგურის ხიდის დროებით ჩაკეტვის საკითხი.

წინა სტატიაზუგდიდში წამების მსხვერპლთა მხარადჭერის საერთაშორისო დღე აღნიშნეს [Video]
შემდეგი სტატიაპარლამენტის პლენარულ სხდომაზე პროკურატურისთვის ნიკა მელიას დაპატიმრებაზე თანხმობის მიცემის საკითხს კენჭი უნდა უყარონ
ტელეკომპანია ოდიშის საინფორმაციო სამსახური