წუხელ, ღამის 3 საათზე ტრაპიზონიდან დაახლოებით 120 კილომეტრის მოშორებით ავტობანის ფაზარის მონაკვეთზე ავარია მოხდა. ავტოსაგზაო შემთხვევის შედეგად საქართველოს ორი მოქალაქე დაიღუპა, ერთი კი, მძიმედ დაშავდა. სამივე აჭარის მცხოვრებია.
ორი გარდაცვლილი ერთი ოჯახის წევრია, ხულოს რაიონის მკვიდრი, როგორც ირკვევა ისისნი თურქეთში სამკურნალოდ იყვნენ წასული ხოლო მესამე, ქალი, რომელიც მძიმედ არის დაშავებული მათი თანასოფლელია და გზად დაემგზავრა.
ავარიის დროს დაშავებული ქალი რიზეს კლინიკაშია მოთავსებული. მის დასახმარებლად საქართველოს საკონსულოს წარმომადგენლობა აქტიურად არის ჩართული.
ერთ-ერთი გარდაცვლილი დასვენებულია რიზეს ერდოღანის სახელობის კლინიკის პროზექტურაში, ხოლო მეორე – დაბა ფაზარის პროზექტურაში. – აცხადებენ აწარის ჯანდაცვის სამინისტროში