ქართული ოცნების თავმჯდომარემ, ბიძინა ივანიშვილმა, უმრავლესობის სხდომის შემდეგ გამართულ ბრიფინგზე არაფერი თქვა შინაგან საქმეთა მინისტრ გიორგი გახარიას შესახებ.
ივანიშვილი პარლამენტის წინ მიმდინარე აქციის 3 მოთხოვნიდან მხოლოდ ერთის დაკმაყოფილებას დაპირდა საზოგადოებას – 2020 წელს არჩევნები სრულად პროპორციული საარჩევნო სისტემით ჩატარდება და ნულოვანი საპროცენტო ბარიერი იქნება.
თუმცა, ათასობით ადამიანი გავრილოვის ღამისთვის გახარიას პასუხისმგებლობის აღებასა და მის გადადგომას ითხოვს. ივანიშვილმა ამ თემაზე მედიასთან კომენტარი არ გააკეთა.
სოციალურ ქსელებში უკვე დაიძრა უკმაყოფილების ტალღა, მოითმენს თუ არა ახალგაზრდობა მის მიერვე თვალთხარია მინისტრად წოდებული პირის დარჩენას მინისტრის პოსტზე ახლო მომავალი გვიჩვენებს. დღესვე გვიგებთ რას ფიქრობს ახალგაზრდობა ნულოვან ბარიერზე, რომელიც მათ მოთხოვნებში ვადამდელი პროპორციული არჩევნების შესახებ, არც გაჭაჭანებულა და ოლიგარქის ხრიკია საიმისოდ, რომ მომავალი პარლამენტი მრავალი ქართველი გავრილოვით აგვივსოს