რატომ იყო სახელმწიფო დაცვის სპეციალური სამსახურის უფროსი აქციაზე და იძლეოდა თუ არა ის უკანონო განკარგულებებს – ოპოზიცია მოითხოვს, ამ კითხვაზე პასუხი გამოძებამ გასცეს.
ასეთი ვარაუდი მას შემდეგ გაჩნდა, რაც „რადიო თავისუფლებამ გაავრცელა კადრები, სადაც ჩანს, რომ ანზორ ჩუბინიძე სპეცრაზმის უკან დგას და ხელში ფარი თვადაც უჭირავს.
როგორც ოპოზიცია ამბობს, ჩუბინიძის ფუნქციებში შედის პარალამენტის შენობაში უსაფრთხოების ფაცვა, მაგარამ გარე პერიმეტრზე მას არაფერი ესაქმებოდა.- ევროპული საქართველოს წევრების თქმით, თუ ანზორ ჩუბინიძე დარბევის ბრძანებას გასცემდა და აძლევდა მითითებებს სპეცდანიშნულების რაზმის წევრებს, ეს არის კანონდარღვევა და ამისთვის მან პასუხი უნდა აგოს.
„ფაქტია, რომ დარბევის გადაწყვეტილება მიიღო პირადად ივანიშვილმა და მოახდინა მისი კომუნიკაცია გახარიასთან, მაგრამ რადგან ანზორ ჩუბინიძე ასევე იმყოფებოდა პარლამენტის პერიმეტრი, უშუალოდ დარბევის დროს პოლიციელებთან ერთად, შესაძლებელია, რომ დავალება მან ასევე მიიღო ბიძინა ივანიშვილისგან. სახელმწიფო დაცვის სპეციალური სამსახურის უფროსს არაფერი ესაქმება აქციაზე, ეს არის უფლებამოსილების გადამეტება, ეს არის უკანონობა,“-აცხადებს ენმ-ს წევრი თინა ბოკუჩავა.
ცნობისთვის: ჩუბინიძე პირადად იცავდა ბიძინა ივანიშვილს მაშინაც, ვიდრე ის პოლიტიკაში მოვიდოდა. მას შემდეგ კი რაც ივანიშვილი ხელისუფლების უმაღლესი პირი გახდა ჩაიბარა მისი როგორც სახელმწიფო მოხელის დაცვა.
„