ჭყონდიდელი მიტროპოლიტი, მეუფე პეტრე აცხადებს, რომ დღეს ეკლესიის დიდი პრობლემა საეკლესიო სასამართლოს არარსებობა და განუკითხაობაა. ამის შესახებ მეუფე პეტრემ სასულიერო პირების მიერ გაკეთებულ ცილისმწამებლურ განცხადებებთან დაკავშირებით განაცხადა.
„დიდი ხანია, პატრიარქს და წმინდა სინოდს ვთხოვ, განიხილოს სასულიერო პირების უპასუხისმგებლო და ცილისმწამებლური განცხადებები და დაისაჯონ ისინი კანონიკური სამართლით. მაგრამ ამაოდ. საეკლესიო სასამართლოს არარსებობა და განუკითხაობაა დღეს ეკლესიის დიდი პრობლემა“, – განუცხადა მეუფე პეტრემ „ინტერპრესნიუსს“.
შეგახსენებთ, პატრიარქის ქორესპისკოპოსი მეუე იაკობი ჭყოდიდელ მიტროპოლიტს დაემუქრა და სიცრუეში დაადანაშაულა “მეუფე პეტრემ, როგორც ყოველთვის, დღესაც მოიტყუა. თითქოს წუხელ დაკეტილი იყო ქაშვეთის დაძარი, როცა ღია იყო. უშუალოდ ჩემი კონტროლის ქვეშ იყო და ღია იყო, რომ იცოდეთ რა… ჰოდა, მეუფე პეტრეს ვისგან აქვს მაგ ინფორმაცია ხო? ახალაიებისგან თუ კიდე ვისგან, ვერ გეტყვით. ჯობია ჭკვიანად იყოს და თავის საქმეს მიხედოს, ეპარქიაში ჩავიდეს და… როცა ჩამოდის თბილისში, პატრიარქისგან კურთხევა აიღოს, ან პატრიარქის ქორეპისკოპოსებისგან. ისე უფლება არა აქვს, მასე რომ გამოდის და კეკლუცად ლაპარაკობს”, – ამბობს მეუფე იაკობი.
დეკანოზი შალვა კეკელია 20 ივნისის აქციის დაშლისას ქაშვეთის ტაძრის დაკეტვასთან დაკავშირებით მეუფე პეტრეს განცხადებას გამოეხმაურა და მას „ცრუ პეტრე“ და „პატრიარქის მოწინააღმდეგე“ უწოდა.