ზუგდიდელი ჟურნალისტები უერთდებიან ჟურნალისტური ეთიკის ქარტიის მიერ დაგეგმილ აქციას თბილისსა და რეგიონებში და ჟურნალისტების უფლებების შელახვას გააპროტესტებენ.

დღეს ზუგდიდის ცენტრში შეკრიბნენ ზუგდიდის სხვადასხვა მედიაორგანიზაციის, მთ შორის რადიო ,,ათინათისა” და ტელერადიო კომპანია ,,ოდიშის” წარმომადგენლები.

ჩვენ სრულად ვიზიარებთ ქარტიის მოწოდებას და ვგმობთ ხელისუფლების ძალადობას ჟურნალისტების მიმართ, რომელნიც წუხელ ასრულებდნენ თავიანთ პროფესიულ მოვალეობას და რომელტაც სახელმწიფო მანქანამ მიაყენა როგორ მორალური, ისე ფიზიკური ზიანი – აცხადებებ აქციის მონაწილეები.

შეგახსენებთ რუსთაველის განზირზე აქციის ძალის გამოყენებით დაშლისას ათობით ადამიანი დაშავდა , მათ შორის რეზინის ტყვიებით დაშავებულია 10 – ზე მეტი ჟურნალისტი

„მოვითხოვთ: იმ სამართალდამცავების სასწრაფოდ გამოვლენას და სისხლის სამართლის პასუხისგებაში მიცემას, რომლებიც დამიზნებით ესროდნენ ჟურნალისტებს, რომელთა იდენტიფიცირება შესაძლებელი იყო, მაგრამ მაინც მიაყენეს სხეულის დაზიანებები და ხელი შეუშალეს პროფესიული საქმიანობის შესრულებაში;

მივმართავთ საქართველოში აკრედიტებულ დიპლომატიურ კორპუსსა და საერთაშორისო ორგანიზაციებს, მყისიერი და ეფექტიანი რეაგირება მოახდინონ 21 ივნისს, რუსთაველის გამზირზე, საპროტესტო აქციის დაშლის დროს, შინაგან საქმეთა სამინისტროს მხრიდან ჟურნალისტების მიზანმიმართულ დევნაზე, ჯანმრთელობის დაზიანების, პროფესიული მოვალეობის შესრულების დროს დაკავებისა და ხელშეშლის ფაქტებზე“, – აღნიშნულია ქარტიის მიერ გავრცელებულ განცხადებაში.