ე.წ. ხელისუფლება დაუპირისპირდა საქართველოს მოქალაქეს, რომელსაც წაართვა კონსტიტუციური უფლებები და შეურაცხყოფა მიაყენა იმას, რასაც ამდენი წელია, ეს ხალხი იცავს, ეს არის დამოუკიდებლობა, სუვერენიტეტი და ტერიტორიული მთლიანობა.“-გრიგოლ ვაშაძე.

0
541

ოპოზიციის ლიდერები უნივერსიტეტის პირველ კორპუსთან შეიკრიბნენ. წუხელ განვითარებულ მოვლენებს შეაფასეს და განაცხადეს, რომ საზოგადოების პროტესტი არ შეჩერდება. გაერთიანებული ოპოზიციის წევრის გიორგი ვაშაძის თქმით, ხვალ 7 საათზე რუსთაველის გამზირზე აქცია ისევ გაიმართება და ოპოზიციის სამოქმედო გეგმა სწორედ ხალხთან შეთანხმდება:


“ის რაც დღეს ჩაიდინა ხელისუფლებამ ეს იყო კანონგარეშე, 7 საათზე ვიკრიბებით რუსთაველზე და ხალხთან ერთად გადაწყდება სამოქმედო გეგმა.”- განაცხადა გიორგი ვაშაძემ.

„ევროპული საქართველოს“ ლიდერი, გიგა ბოკერია სრულ პასუხისმგებლობას ხელისუფლებას აკისრებს.

ბოკერია ამბობს, რომ მოხდა ძალის გადამეტება, პრემიერის განცხადება კი იყო მაგალითი, როგორი განცხადება არ უნდა გაკეთდეს.

“ამ ვითარებაში პოლიტიკური პასუხისმგებლობის გარეშე გამორიცხულია განმუხტვა. ეს აღარ არის მხოლოდ კობახიძის პასუხისმგებლობა. ეს არის გახარიას პასუხისმგებლობაც,”-აცხადებს ბოკერია.

მისი თქმით, სრული ოპოზიციური სპექტრი იზიარებს სამ მოთხოვნას, კობახიძის გადადგომას, გახარიას გადადგომას და მაჟორიტარული საარჩევნო სისტემის სრულად პროპორციული სისტემით ჩანაცვლებას.

„ნაციონალური მოძრაობის“ თავმჯდომარის გრიგოლ ვაშაძის თქმით, აქციები არ შეწყდება:

„ნახავენ, რამდენი ადამიანი მოვა. პოლიტიკა, პოლიტიკური პარტიები უკვე არაფერ შუაშია აღარ არიან, ე.წ. ხელისუფლება დაუპირისპირდა საქართველოს მოქალაქეს, რომელსაც წაართვა კონსტიტუციური უფლებები და შეურაცხყოფა მიაყენა იმას, რასაც ამდენი წელია, ეს ხალხი იცავს, ეს არის დამოუკიდებლობა, სუვერენიტეტი და ტერიტორიული მთლიანობა.“-განაცხადა გრიგოლ ვაშაძემ.

წინა სტატია“ოცნების” ხელისუფლება ვერ უმკლავდება ქვეყნის მართვას – დავით უსუფაშვილი
შემდეგი სტატია“პასუხისმგებლობა ეკისრებათ პროვოკატორებს” – ვოლსკი მოქალაქეების დარბევაზე
ტელეკომპანია ოდიშის საინფორმაციო სამსახური