ზუგდიდის მუნიციპალიტეტის 51 საჯარო სკოლაში სულ 1529 პედაგოგია და აქედან 230 საპენსიო ასაკს მიღწეული, პრაქტიკოსი მასწავლებელი. როგორც ჩვენთან საუბარში ზუგდიდის საგანმანათლებლო რესურსცენტრის ხელმღძვანელი კახაბერ ფარცვანია განმარტავს, პირველ ეტაპზე 107 -მა პედაგოგმა საქმიანობის შეწყვეტის შესახებ გამოთქვა სურვილი. მისი თქმით, მათ ორი წლის ხელფასის ჯილდოს აღება არჩიეს. როგორც ცნობილია, საპენსიო ასაკის მხოლოდ პრაქტიკოსის სტატუსის მქონე პედაგოგებს, პროფესიიდან გასვლის შემთხვევაში, ორი წლის ხელფასი მთლიანად ჩაერიცხებათ, რაც საშუალოდ დაახლოებით რვა ათასიდან 12 ათას ლარამდეა.