„საიამ“ და „მწვანე ალტერნატივამ“ საქართველოს ენერგოსექტორში არსებულ გამოწვევებთან დაკავშირებით ზუგდიდში  შეხვედრა გამართეს. ორგანიზაციები მიიჩნევენ, რომ ჰესების მშენებლობამდე უნდა ჩატარდეს გარემოსდაცვითი შეფასება. აღსანიშნავია, რომ ქვეყანას მხოლოდ დრაფტი დოკუმენტი აქვს და არ გააჩნია ხედვა. „მწვანე ალტერნატივას“ წარმომადგენელი დავით ჭიპაშვილი ამბობს, რომ  აუცილებლად საჭიროა საუბარი არა რამე ზოგადზე, არამედ, კონკრეტულ გეგმებზე და კონკრეტულ ხელშეკრულებებზე რა გვჭირდება და რა უნდა ვიცოდეთ.შეხვედრას ადგილობრივებთან ერთად მესტიიდან ჩამოსული მოქალაქეები ესწრებოდნენ. მათი თქმით, როცა ჰესების მშენებლობაზეა საუბარი, აუცილებელია მათი ჩართვა ამ პროცესში და მათი აზრის გათვალისწინება.სამუშაო შეხვედრა ფონდ „პური მსოფლიოსათვის“ მიერ დაფინანსებული პროექტის „ყველაზე მოწყვლადი პირებისა და თემების სოციალურ-ეკონომიკური უფლებების დაცვა და ხელშეწყობა საქართველოში“ ფარგლებში ჩატარდა.