,,ხომ ვამბობდი, გავცურავ -მეთქი” – მეოცნებე დეპუტატმა ომარ ნიშნიანიძემ „არგო“ ააგო და ამ დღეებში ფოთიდან ვანამდე რიონში გაცურვას აანონსებს

0
504

ქართული ოცნების“ ყოფილი დეპუტატი და პროფესორი ომარ ნიშნიანიძე 31 მაისიდან 2 ივნისამდე მომცრო გემით, რომელიც მისი თქმით, „არგოს“ განასახიერებს, ფოთიდან ვანამდე რიონში გაცურვას აპირებს. როგორც, ნიშნიანიძე „ლიბერალთან“ ჰყვება, გემის აშენების იდეა და ოქროს საწმისის ლეგენდის გაცოცხლება თავის სტუდენტებთან ერთად მოინდომა და 2 თვეა, გემს აშენებენ. ახალი „არგოს“ მშენებლობა დღეს სრულდება, ომარ ნიშნიანიძის თქმით, გემს ბოლო შტრიხებს უკეთებენ და პარასკევს ფოთიდან გასაცურად უკვე მზად იქნება. „2 ივნისს უკვე ვიქნებით ვანში, ვანელობაა ამ დღეს. ხალხი იქნება – გვეყოლება აიეტი, მედეა, ათენა, 12 მენიჩბეც – გავაცოცხლებთ ისტორიას. თან რაც მთავარია, გამოჩენილი ინგლისელი მეცნიერისა და მოგზაურის ტიმ სევერინის მოგზაურობიდან 35 წლისთავია, რომელმაც გაგვიცოცხლა ლეგენდა. თუმცა, ეს ლეგენდა არის ჩვენი ისტორია, დიდი მეცნიერების მიერ დამტკიცებული“, – ჰყვება ომარ ნიშნიანიძე. ეს მალე დაპირებულ ქუთაისის საზღვაო პორტსაც აჩუქებს ქვეყანას და გააოცებს, შესაძლოა ისე ძალიან არა, როგორც ივანიშვილმა გააოცა ევროპა დემოკრატიით,მაგრამ დიდი საქმეები მცირედით იწყება.ორივეს  ვაცალოთ ცოტა

წინა სტატიაკრისტის აუქციონზე იშვიათი ვარდისფერი ბრილიანტი გაიყიდა
შემდეგი სტატიასაქართველოს მთავარ პროკურატურასთან ადვოკატმა ზურაბ ბეიტრიშვილმა თავის დაწვა სცადა
ტელეკომპანია ოდიშის საინფორმაციო სამსახური