,,სასწრაფოდ არის დასასრულებელი ეს ხელისუფლება, თუ გვინდა ახალგაზრდობა მთლიანად არ წავიდეს ემიგრაციაში“ – განაცხადა გრიგოლ ვაშაძემ მარნეულში

0
354
გაერთიანებული ოპოზიცია ძალა ერთობაშიას ლიდერი, გრიგოლ ვაშაძე და მარნეულის მერობის კანდიდატი, აგილ მუსტაფაევი, მარნეულის სოფელ თაზაქენდსა და ულაშლოში იმყოფებოდნენ.
 
ადგილობრივების მთავარ პრობლემას გაჭირვება, გაუმართავი ინფრასტრუქტურა, სასმელი წყლის გრაფიკით მიწოდება და გაზრდილი კრიმინალი წარმოადგენს.
 
მერობის კანდიდატი ადგილობრივებს ამ პრობლემის გადაჭრას დაჰპირდა.
 
„უაღრესად მშრომელი ადამიანები ცხოვრობენ მარნეულში. მათ ისევე უჭირთ, როგორც დანარჩენ საქართველოში, ისევე არ არის ადეკვატური ჯანდაცვა, ისევე საყვედურებს ღებულობს ე.წ. ხელისუფლება საქართველოს მოქალაქეებისგან მარნეულში, რომ სკოლები არ არის ადეკვატური. სასწრაფოდ არის დასასრულებელი ე.წ. ქართული ოცნების ხელისუფლება, ჩვენ თუ გვინდა, რომ მარნეულში კი არა, საქართველოში საერთოდ მოსახლეობა დარჩეს და ახალგაზრდობა მთლიანად არ წავიდეს ემიგრაციაში,“ – განაცხადა გრიგოლ ვაშაძემ.
 
გრიგოლ ვაშაძე გუშინაც მარნეულის სოფლებში იმყოფებოდა. . ოპოზიციის ლიდერი მხარდამჭერების ოჯახებში დადის  და მათ პრობლემებს ისმენს.
ზოგიერთი მედიასაშუალება, მათ შორის   “კვირას” სვამს კითხვას, რატომ დადის იგი მედიის გარეშე და რატომ არიდებს თავს მათ მიწვევას ამ შეხვედრებზე  რაც გრიგოლ ვსაძის გაკვირვებას იწვევს.
 
“მედიასაშუალებებს ჩვენ ვეძახით, მაგრამ, არ ვიცი, ახლა რატომ არიან ისინი გადართული გაცილებით უფრო სხვა რეგიონებზე… ეს რიგით რომელი შეხვედრაა, ზუსტად ვერ დაგითვლით, მაგრამ, ყოველდღე მარნეულში ვარ. ყველას ვპატიჟებთ, გადავცემთ თქვენს საყვედურს პრესსამსახურს…ვცდილობთ, მარნეულის ყველა მოქალაქეს მივაწვდინოთ ხმა და ერთი რამ გაითვალისწინეთ, რომ ჩვენ ღარიბი ხალხის ღარიბი პარტიები ვართ, და არ გვაქვს იმის საშუალება, რომ ე.წ ქართულ ოცნებასავით ბილბორდებით და ბანერებით დავფაროთ მთელი მარნეულის რაიონი”, – განაცხადა ვაშაძემ.
..

წინა სტატიაბრძოლა კულისებში: მთავრობას გახარია აღარ აწყობს? – პანკისში მომხდარი, შესაძლოა, პროვოკაცია იყო და ის უახლოეს მომავალში სხვა ინტრიგებს და მამაძაღლობასაც უნდა ელოდოს
შემდეგი სტატია,,სად წავიდა ერთი ლარი, რომელზეც ვამბობდით, რომ ადრე სააკაშვილის ჯიბეში მიდიოდა?” – მწავე შეკითხვები ფინანსთა მინისტრს
ტელეკომპანია ოდიშის საინფორმაციო სამსახური