გურჯაანში დავით კირკიტაძის სასამართლო პროცესი კვლავ დახურულ რეჟიმში იმართება

0
430
გურჯაანის რაიონულ სასამართლოში „ნაციონალური მოძრაობის“ ლიდერის, დავით კირკიტაძის სასამართლო პროცესი მიმდინარეობს.
 
მოსამართლე ნუნუ ნემსიწვერიძის გადაწყვეტილებით, სხდომა დახურულ რეჟიმში იმართება და დასწრების უფლება მხოლოდ ოფიციალურ მხარეებს აქვთ.
 
სასამართლო პროცესი ბრალდების მხარის მოწმეების გამოკითხვით გაგრძელდება.
 
კირკიტაძის ადვოკატის, გიორგი კონდახიშვილის ინფორმაციით, მოსამართლემ არ დააკმაყოფილა დაცვის მხარის შუამდგომლობა სხდომის გახსნასთან დაკავშირებით, რის სამართლებრივი საფუძველიც არ არსებობდა.
„მოსამართლემ მიიღო ეს გადაწყვეტილება, რის სამართლებრივი მიზეზიც არ არსებობდა. დღეს ბრალდების მხარის 4 მოწმე გამოიკითხება. შემდეგში კი პროცესი დაცვის მხარის მტკიცებულებების გამოკვლევით გაგრძელდება,“ – განაცხადა კონდახიშვილმა.
 
დავით კირკიტაძის საქმესთან დაკავშირებით 60-მდე მოწმის გამოკითხვა მოხდება.
 
დავით კირკიტაძეს ბრალად ველისციხის ინციდენტის დროს სამართალდამცავზე თავდასხმა ედება. მას ბრალის დამტკიცების შემთხვევაში, 4-დან 7 წლამდე პატიმრობა ემუქრება.
წინა სტატიაგიორგი შენგელია მერობის კანდიდატად ოფიციალურად დარეგისტრირდა
შემდეგი სტატია„მინისტრები ივანიშვილის ხელში არიან ბუტაფორიები, ამიტომ ბუტაფორიებს გადაადგილებ თუ გადმოადგილებ, არაფერი იცვლება – ოპოზიცია ქობულიას გადაყენების შესახებ
ტელეკომპანია ოდიშის საინფორმაციო სამსახური